لو كان مهند رجلآ لقتلته

السلام على من اتبع الهدى

أنا وأعوذ بالله من الشيطااان ومن الماصله وكل ماقربني منها فيس

انسانتون من ثلاث سنيين وانااقرأ بهالمنتدى لامن تمي ولا من كمي "

وقبل كم شهر تطورت حالتي وصرت يوزرآ رمادي ومازالت اعشقني تقرأ بل وتقهقه كنها خبله<<الله يرجكم ياآل إقلاع في صمت

وفي يووم ما صووت لي جوالي : اعشقني جاااااااك مسج يابعدي...

وأنا اجيه من اقصاي اعشقني : وينه ياجعلي فدوه للوحة المفاتيح مفتاح مفتاح


ومن منطلق هالرساله انطلقت << تسمع بالأثاره

وولعت في راسي لنبه <<< جميع السيرفرات تعتذر عن تحميل هذه الجملة لأنها بها قدر من المصاله ما قدروا يستوعبونه فيس


جأتني فكرة هالموضوع وقلت جربي حظك يافتاه يمكن يفعلونك "" وياتصيب ياتخيب التفعيل قسمه ونصيب << ترانيم العواانس

أحب إن أوضح نقطه ذات صله

هالموضوع مبطي مكتوب بس نظام تفعيلكم يارعاكم الله << تسنها خايفه اللي يجيب الهم والزكمه والحمل خارج الرحم <<< وشوو

هو اللي خلى موضوعي أسير الشوق قصدي أسير الدفتر حتى هذه اللحظه


ومالكم بالطوويله "" مضمون المسج :

الله يعافيك ياليت تجمعين لي الفصم لأني محتاجته مره


المرسل : نور خايفه من عيون السعوديات


أهيب يا التركيه <<فيس مكتئب ويهز راسه ولسان حاله يقول واسفاب شبابتس يالسلقه

ومن بعد هالمسج وآنا أتابع هالمسلسل ..

ابشوف هاللي خايفتن عليه من عيون الحاسدين وش حيثه؟؟ ومع الأيام حبي لها الأشيقر بدى يكبر وسحرتني عيونه ورومانسيته الله يرزقنا <<في الجنه إن شاء الله غاسلتن يديها بكلوركس من هالشهبان


وفي ليلة غبراء جلست اشكي لجوالي حوبي المهدور من طرف وااحد

جوالي : هو مالك إلا تروحين تركيا وتشوفينه << هامسآ لنفسه ولو إني عارف بترجعين مثل مارحتي هذا وجهتس ياطريفه

اعشقني : وش تهذري انت

جوالي : سلامتك ياعسل

اعشقني : شف أنا برووح تركيا برووح الله لايعوق بشر بس شلون!

واللي قاهرني اني بنت حلوه ورقيقه وهالنور مهيب احلى مني يوم انه دايخ معها

جوالي : شوفي بالنسبه لنقطة انك بنت هذا الله وهذي حكمته ما اقدر اعترض على حكم الله

بس .. حلوه ورقيقه بعد ,, هذي قوويه حاولت أعديها بس عيت تعدي ههههههههههههههههههههههههههههههههههههههههههههههه


اعشقني : وجعن يوجعك ضحكت من الهم بلاء الشرهه علي اللي معطيك اكبر من حجمك انكتم ولا اسمع لك نفس

جوالي : طيب ممكن ادلو بدلوي الأخير

اعشقني : قل ولاتكثر

جوالي : مالك إلا تعرسين




في اليووم التالي



اعشقني : صبحك الله بالنور ياأميمتي

الوالده : صبحك الله بالنور والسرور ياحشاشة يوفي

اعشقني : امي لتس والا للذيب ؟؟

الوالده : يخسى الذيب وآنا أم اعشقني

اعشقني : يمه داخلتن على الله ثم عليك أبي اتزوووووووووووووووج

الوالده : استحي يالعوباء <<فيس مصقوع بقدر

اعشقي : يمه ترانا في 2008 خلاص انتهى زمن السكوت علامة الرضا << ودي اجيب هاللي ابتدع هالمثل واقطع لسانه مرتن آخرى لا تحتسي حتسي ماله سنع وتبثر خلق الله فيه

الوالده : اعشقني هونت مهيب لي للذيب اصلحي منتس له

اعشقني : بس ماقلتيلي اي ذيب فيهم

الوالده : بصراحه حاولت قدر المستطاع اني احترم كيانتس بس مااش كيانتس طلع مسخره مهوب وجه احترام ضفي وجهتس عني

اعشقني : يمه طلع كياني وش احترام وش اجرام الموهيم اني اتنيل على عيني واتجووز

ودخل الوالد : اها بس وش هالحتسي الللي اسمعه


نبذه عن لفظة ""اها بس""" :

اها بس هي كلمه لها مدلولات كثيره ,, وتستخدم في مواطن عده ولكن بالنسبه لماي فاذر عندما ينطق بها

يقصد فيها لايكثر والموضوع منتهي ولكن للمعلوميه لاأكثر قالها والا ماقالها كلام الوالده هو اللي يمشي


اعشقني : ابتاه تراني جاده ابي اعرس

الوالد : سكتي بنتتس لا شحط على البلوعه الحين..<<العائله كلها مهجنه

اعشقني : يبه تكفى لاتلوع كبدي والله ما لاقت وافهم قصدي ترى قصدي شريف

الوالد : شو قصدك عيني << سحقآ لقناة غنوه

اعشقني : ابتاه انا كنت قبل اتشرط واتدلع وكل واحد اطلع فيه عذروب والحين انا اقولك وبالفم المليان ...

انا موافقه على اي اشهب يتقدم لي وما أبي مهر ولا بيت لحالي

ولا حفل زفاااف <<حالفين يا ايزابيلا

شرطي الوحيد الله يكملني بعقلي (( شهر العسل بتركيا ))


وبعد شهريين <<وش زود الأفلام يسونها وانا لاع









تم الزواج المهموم .. واتجهنا لتركيا وه بس ياداار المحبوب

وبالطياره همس لي جوالي جعلي ما اعدمه : اعشقني يابعد كل الأناااات ((N))

اعشقني : يالبيه ...

جوالي : دام شورتي ضبطت معك وش رايك تضبطيني انا بعد وتهديني لميس

اعشقني : اجل اهديك لميس ... تمسك هااه

جوالي : ......................

ويوم اقبلنا على المطار وتصكني ريحة شاورما اقصد ريحة مهند << ماتذب ابد

ويوم طلعنا من المطار قلت لبعلي الأشهب الألهب انا حرمتن جوعانه وابي اقرب مطعم

قال : تم <<يازينكم يالسعوديين بشهر العسل كل شي عندكم تم

وبصراحه ضميري أنبني شوي وقلت حرام دامني عاقده النيه على السفطه ماراح اطلب واخسر الرجال <<حنون ربي يصونك في نظرتك في عيونك وه بس

وقلت له عن اذنك ابي دورة المياه حاله طارئه

وطلعت من المطعم على اقرب مخفر ...

وادخل واشوف ذاك الضابط اللي شنباته توقف عليها سطحى محملتن عشر جموس ..

وابدأ اعيط واصرخ واقول الحقوني يالأجاويد زوجي ضااع مني

الضابط : اهدي مدام وكل شي راح ينحل .. شو اوصافو؟؟

وانا مانيب راعية طويله احب الزبد بس هي ماتحبني

قلت : مهند بيك ..

الضابط : ذب القلم على الطاوله : اقول لايكثر واقضبي الباب وارجعي لرجلتس الأشهب واحمدي ربك لقيتي واحدن يستر عليتس << وش فيه قلب سديراوي

وانا اللي كبرت في راسي ماارجع الا بمهند

وافصخ خوايشي <<اساوري الذهب لأبناء العصر الجديد وارزهن قدام مكانسه

الضابط : اي بتصدقي لون اساورك ذكرتيني بلون شعرو لمهند من شان هيك بدنا نحتفظ فيها لنطابق اللون

اعشقني : طابق والقلب داعي لك

وجابووه لي وه بس عاد هو ذمته وسيعه قال ايه مرتي وعلى سنة الله ورسوله << بس انه طلب خاتمي الالماس عشان يطابق لون الفصوص اللي فيه مع لون عيونه

وقلت : تم ........يضرب الحب شو بيطفر

ويوم طلعنا من المخفر عزمني على كافي <يامال الفقر توك ناهب خاتم الماس وقبلها الاف مؤلفه من رولا على الفيديو كليب

شطحه ((وش احساسك يومنها تنزل عليك من فوق ))

ويوم جلسنا بدى يقولب بعيونه وقال : ممكن اعرف شو بدك مني ؟؟؟

اعشقني : ابيك توظفني في شركة آوغلو <<اجلده ذا

والله من يوم شفتك و لأول وهله قلت ان وجهك يوحي بالغباء .........

وفجاءه ..........

مسك يدي وانا في حالة ذهول وصدمه <<ايه هين

ومزيج من الروحه ملح والخقه

وقال : اسمعيني طال عمرك <<فيس يتبوسم ويطالع الآشووام اللي يبيعون بوجوه ويقول يالبى قلوبكم

اذا بدك علاقتنا حكي ودلع رااح اعطيك شي بيخقق بنات السعوديه كولياتون بس فعل ماهناش

اعشقني : ليه وضربه تضرب العدو واللي يتشدد له

مهند : بصرآحه انا ..................................................

ماتردد عنه في الآونه الاخيره بالمنتديات والأيميلات وبمجالس الشباب بفرحه عارمه

وبمجالس النساء بحرقه قاتله ونوبات من الصراخ والبكاء المرير مع قدر كبير من المناشق

واوقف واصرخ بعالي الصووت ...

يامال الساحق الماحق المرض المتلاحق يومنك طلعت شاااذ

واكب الكافي اللي عازمني عليها بوجهه <<كوده يشين شوي وتخف حرقة قلبي عليه

ياحيف على الرجاااااااااال ياحيف

واطلع انا اسحب اذيال الخيبه الين قطمن ظهري ..

واذا بي فجاءه <<اتذكر خاتمي

وارجع وانقض عليه كالبوه طراه انه كنه اسد صغير << الله من زين الوصف

اعشقني : حلقي جعلهم يحلقون شعر سيقانك <<مع اني ماهقيت ان فيهن شعر دام هذي علومك بموس مشري من ابو ريالالين ثم يفركونهن بليمونه يالشاذ

ويسمع صراخك اللي واقف فوق عمارة المملكه

اجل تزرف خاتم الماس عشان مسكة يد لا يا ابوي معصي كفوك خاتم من كليرز ويخب بعد يالشاذ<<خلاص ذليتيه بمافيه الكفايه

واخذ حلقي واسري ...


راجعتن لكم جعلي ما أبتسيكم

عودنا

وفجاءه <<اعتقي هالكلمه لوجه الله تكفين

اختبصت الدنيا وتجمعوا على الدرك وكلبشوني بدون سابق انذار


وجروني للمخفر .. ودخلوني على على خوينا ابوشنب السابق ذكره آنفآ

الضابط : حي الله هالخشه

اعشقني : ومن قال يحيا بس وش فيكم علي وش سويت أنا ؟؟دنا كل عمري بمشي لم الحيط

الضابط : يقطع حريشك تحرقي وشو لزلمه وتلعبي دور البريئه


وفيما يبدو ان مهند مايقصر مع الضابط ويوسع صدره على الآخر << حسيت انه رقاصه على هالجمله

الضابط : خدوها على السجن من شآن تتربى << هء الله يحلل ابوجودة عندك يالهيس

وانا امشي متجهتن الى سجن ابو ترك ""

صرخت هامستن <<شلون تجي <<تجي موضوعي وانا حره

بيني وبين نفسي يابنت هذا سجن ... يعني الداخل عندهم وردة جوري والطالع قرقاااص<<كنايه عن الرقص اللي بيرقصوني اياه

فمن هذا المنطلق

مالي الا اهجدهم لايهجدوني




دخلت وسلمت

؟؟:............................صمت مريب

اعشقني : داخلتن على يهود انا ورى ماتردون لا العن ابو الطيبه فيكن

قالت وحده : اهلين ومرحبتين

اعشقني : داخله بيتكم انا يوم انك تردين علي

قالت : شو شو قلتي !!

اعشقني : الظاهر سمعتي وش قلت وكلامي ماينعااااااد

قالت : اي والمراد

اعشقني : المراد عضي على شحم لا اخليتس تقولين للعنز ياخانم

واسمع صووت من بعيد

........: اقول خلي عنتس الهياط وتعالي انثبري فيذا

اعشقني : الهياط حي الله العرب المستعربه

فاصل

الهياط : هو الأدعاء بالقوه والحقيقه ماهنااش اي من يسوي فيها انه لايشق له غباار وهو من جنبها ويسمى مهايطي

وجميع حقوق هالكلمه محفوظه للشباب السعودي الله لايعقلهم كان هذا اللي فالحين فيه


عدنا

وفعلآ ذهبت وانثبرت جنبها والتفت عليها ....

اعشقني : يالحبيبه ولا عليك أمر وش رأيتس نصير حزب واحد وكفى الله المؤمنين شر القتال


قالت : تم محسوبتس مريثه من بريده ومانيب مستعربه انا عاربه

اعشقني : ااااامم ااااامممم اااامممممممم

مريثه : وش فيتس اويلاه براطمتس نفضها كهرب

اعشقني : تشرهت ياوخيتي تعالي بالآحضاااااااااااااان خويتس شنعت بها الغربه

مريثه : اقول امسكي نفستس السجن للجدعااااان .... هاه وين المهايط اللي قبل شوي !!!

اعشقني : اعتذر عن الانهيار الذي اعتراني << تبطون عظم يالاقلاعيين كل ابوكم ماجبتوها

بس تراني اعجبك حطيني على اليمنى

مريثه : كفو يالسنايديه

اعشقني : ما عليك زود ومحسوبتس اعشقني من سدير

مريثه : الا وش وصلتس هالمواصيل ؟؟

اعشقني :ابد حدى هالتيوس قام يتميلح علي وانا ذاك اليوم طفشانه شوي ومالي خلق اتكلم وسحبت الكلاشنكوف وسدحته

مريثه : كفو اويلاه


ورجعت خويتنا الأولى : يعني بدك تفهمينا انك قتلتي زلمه ...


اعشقني : اقول ابلعي العافيه واسكتي ساكته لأطى على هامتك

وعلى فكره ترانا شعب دمه فاير .. يعني نمشي ونقتل <<ترفقوا ياعيال لاس فيجاس

ورجالنا لأعجبتهم المره يغازلونها ووش اسمه ثم يصفونها <<اجحدوها يامعشر النساء لأعشقني

حطيت رجالكم بجيوبكم مهوب لزينن فيكم <<هذي اللي بتتصفق

بس بكره لا لمحت لميس حدي ذا الشهبان يوطوط حولها كفخت ومايشوف الا غبارها تحت شعاار
(( ياروح مابعدك روح ))

مريثه : تعجبين كتمتي هالماصله

اعشقني : فالتس ماقبلنااااااااااااااااه

مريثه : وش فيتس؟؟؟

اعشقني : ولاشي بس لاتطرين المصاله مرتن آخرى الشر برى وبعيد

اعشقني : الا انتي يا وش جابك هنا يا بعد حيي؟؟

مريثه : الصرااحه انا هاجتن من اهلي مع حبيبي مير الله ياخذوه يوم حدرنا تركيا نهب اللي فوقن واللي تحتن وراح يدور لميس وجحدن ومسكوني تهمة تسول

اعشقني : هجيت يوم حمى الوطيس لا ياالخسيس المخيس

اعشقني : بس تدريين لايضيق صدرتس ياوخيتي ما استبعد انه الحين متكي في ابو زعبل شروى محاكيتتس << ايقونتن قصيميه توخر الكليجا عن خشتها وتقولي ساااااااااده

مريثه : اقول تراني تو قلت ابعطيك جوك كرم اخلاق مني وسلكت لتس قولي لي الصدز وش جابتس هنا؟؟؟

اعشقني : العشق الله يسلمتس مير وانخرطت في بكاءن مرير ..

مريثه : ياحوول الله عزي لحالكم يالقلووب الخضراء ..... طيب اسلمي وش صار للحب الأفلاطوني ؟؟

اعشقني : ابد طال عمرتس طلع الرجال مهوب رجاااال

مريثه : وشو

اعشقني : طلع شاذ...!!!

مريثه : يقصف عمرووه مير ..<< عندما تتلاحم الحضارآت


وجت وحدتن تتدحوس عندي وتميوع قلت مرييييييييثه

مريثه : لبيه

اعشقني : وش تبي ذا الحمراء العطراء ؟؟

مريثه : الظاهر انها تبيك يابعدي .. << فيسن يطالعني بخبث

اعشقني : وشووو

مريثه : هذي يالحبيبه شااااذه

اعشقني : اااا ممممممم اهههههههههههههههههااااااع

مريثه : وبعدين مع هالدموع اللي غرقت تركيا !! وش فيتس الحين لاتخافين ما تلمست وراسي يشم الهوى افا عليتس !!

اعشقني : لا بس هالسيره تقلب علي الموااجع يسلم هالرااس ...

مريثه : ايه الله يعينتس ياوخيتي ..

ايها الشعب المنحرف

اجل غاثينا وماكلين عقول شبابنا وبناتنا وحب وغراام وتضحيه

وآخرتها كل واحد سواياه ليتها مثل وجهه

يالله لاتخفس بنا وانا بآرضهم ....

وقطعت حبل افكاري هالزلابه <<ياشين الغيره شيناه

لقيتها كل مالها تقرب مني .... وفزيت من مكاني

قلت اقول حافظي على المسافه القانونيه اللي بيني وبينتس فاهمه <<ايقونتن خانقتها العبره

قااااالت : شوبك ياقمر ,,, خلينا نتبادل اطراف الحديس (الحديث)


اعشقني : وانا والله ماودي اتبادل مع احد اي شي

ضحكت وقالت : عم تتغلي علي كماااااااان

مريثه : ههههههههههههههه اقول تسنها ماودها بك بس محتدتن عليتس ههههههههههههههههههههههههههههههههههه

اعشقني : مريثه عن الغلط لو سمحتي ....

مريثه : بالله عليتس الحين مهند يووم شافتس ماحركتي فيه شعره ,, مصدقه ان هالقطوه الفارسيه خاقتن معتس ..!!!

ما اقوول الا الله يكبر حظتس ويكبر معه أشياء ثانيه

اعشقني : مريثه هء هء هء



وفي هذه اللحظه صوت العسكري مناديآ : ياعشقني توجهي للبوابه افرااااااااااااااااااااااااااااااج

اعشقني : اعذريني يالقطوه الفارسيه بس ماهنا وقت نتعارف فيه بس شوفي هالشحروره اللي بالزاويه ((خويتنا الأولى ام الملاغه )) تراها اجوديه وماترد مانصاها

عليكي بها

يالله سلام جعلي ما اشوفكم الى يوم الدين

مريثه : سلمي يابعدي

اعشقني : يبلغ يا بعدهم كلهم ياسراجي بينهم



عائده لكم بأذن الله لامحاله

عدنا والعود احمد


العسكري : امشي قداامي بسرعه !!

اعشقني : اقول ابلع العافيه لا أهجدك انت بعد << مازالت عايشه الدور

العسكري : تهجديني اي شو عليه هجديني ولك يؤبرني الأبظاااي انا

اعشقني : هاه وش اسمه وين غرفة الضابط بس

غرفة الضابط

دخلت وطااحت عيناي على بعلي العزيز <<الحين صار عزيز

جالس ومكتئب والسوواد يكتسح ماتحت عيناه من فراقي <<الا من السهر بالمراقص وشفط المخزي

التعريف بالمخزي : هو احد المشروبات التي عندما تحتسيها تحس انك منتب انت وهو يندرج تحت لائحة مذهبات العقل..

ودمووعه تقوطر""

وانا اللي اقوله : تعال جعل مهند وكل الحلاقين فدى ذا الدميعاات

واذا به هش وبش وجاني يهمس لي : << صدقناك يهمس اجل الرجل السعودي يعرف معنى كلمة همس اصلآ !!!

من ذاك اليوم وانا من مرقص لمرقص قصدي من مركز لمركز ادورك !!

اعشقني : شكلك تمشي وتعطيهم اوصاف لميس مهوب اعشقني يالأشهب <<فيس رافعن حاجبه ويقول كلن يرى الناس بعين طبعه ""

ويوم طلعنا من المركز : لف علي وعيناه تكاد تطلع تخنقني وتدخل

وقال : عسى ما اغتصبتس احد ؟؟

اعشقني : كل شي على حطة يدك وابرآء للذمه <<الله من زين الذمه

اللي حصل مسكة يد لا اكثر ولا اقل .....

قال : زين مشيييييييييييييينا يالله

فهتفت اليه : ايها الآشهب !!

الأشهب : نعم

اعشقني : انك رجلآوالرجال قليلوا

الأشهب : الله يسلمتس

انتهى


مايستفاد مما لافائده مرجوه منه :


- لابغيتي تروحين تركيا خذي ذهبتس كله

- اذا جتكم رساله لاتنطلقون مثل المنطلق اللي انطلقته<<الله ينسف من علمك كلمة منطلق

- تدفوو ترى هاليومين هابتن براادااااااااات

- شوفي ياعيوني <المايك مع فوزيه الدريع انتي واياها لاتخقن مع احد بتاتآ البته لين يثبت شرعآ انه ليس بشاذ

- لاصرت تقرأ موضوع لعضو جديد واول موضوع من زين الطبايع حن شوي وتغاضى جزيت خيرآ <<هذي فائده والا رجاء

- اذا جوالك في يومن ما حب يدلو بدلوه اكسريه هو ودلوه الله لايبارك فيه ولا في دلوه.

-براي لله تراني ماشهدت على هالضعيف انه شاذ <<احلفي يعني اللي تبي تجرب تروح ثم تنكس تعلمنا


براااااايفت ابناء بلادي :

بالنسبه للحريم مير اللي ما اعرسن نقول احلام عذارى ولو انهم فشلونا عند العربان

اللي بيذبحني المعرسات اجل وحدتن في هالدنيا قايله لزوجها ((تصدق يوم شفت هالمهند قلت ياشين العجله ))<<معليش يالميس

يالله وش تسوى عليك الحين يوم قام يعايرك بانه طلع شاذ ؟؟؟ وش تسوى هاه ردي

وشبابنا اللي لحست عقولهم هالميس اجل وااحد من الناس كل ماقالت له زوجته شي قال والله لو انك لميس اسويلك كذا << تبآ لك

ما فكرتوا في اخلاقها في دينها في عيشتها استغفر الله العلي العظيم والرسول عليه الصلاة والسلام قال ((فأظفر بذات الدين تربت يداك ))

لا واللي بيبط كبدي من الغير محصنين آخرتكم سعيد لسعيده خاصتن انتن يالبنات الله يهديكم بس



اقول تهقون الدكتور أياد شاذ بعد ؟؟؟




^^^^^^^^^^^^^^^^^^^^^^^^^^^^^^^


شطحه تمشي مليون :

أوييييييييييييييييييييييييييييييييييييييها

وفعلووني

أويييييييييييييييييييييييييييييييييييييييييييييييي يها

بعد ماطلعوو عيوني<<لايكثر لايصكونك بالباند

وكلللوووووووووووووووووووش


وهـــــ بس يا آلاقلاع

كذا الواحد يحس انه راعي مكااان مهوب ولهان ومسير



حنش دووك اعلاناتك احلى اعلانات بالعالم كل ابوه << اعلان التفعيل

يالله

جعل مايعقب علينا وعليكم الا العافيه





برايفت للي يخصه المووضوع : موضوعي لم اجده حتى بالماصله هووو فيه شين اردى من الماصله <<ومازالت مصره تبثركم فيه...